Вирустық аурулардың таралуының алдын алу бойынша
білім беру ұйымдары үшін
ЖАДНАМА
Білім алушылар арасында вирустық аурулардың, оның ішінде коронавирустың таралуының алдын алу мақсатында облыстардың, Нұр-Сұлтан, Алматы және Шымкент қалаларының білім басқармалары, қалалар мен аудандардың білім бөлімдері, білім беру ұйымдары денсаулық сақтау органдарымен және ұйымдарымен бірлесіп, оқушылар мен педагогикалық ұжымдарда, сондай-ақ ата-аналар қоғамдастығының арасында профилактикалық іс-шаралар кешенін өткізу қажет. Қазақстан Республикасы Білім және ғылым министрлігі: 1) білім беру органдары мен ұйымдарының басшыларына: - білім беру ұйымдарында вирустық аурулардың, оның ішінде коронавирустық инфекцияның алдын алу бойынша іс-шаралар жоспарын құруды (ҚР ДСМ 11.09.2013 ж. № 466 бұйрығы бойынша жұмыс істеу); - барлық білім алушыларды, педагогтар мен ата-аналарды вирустық инфекция, оның ішінде коронавирустық инфекция белгілері туралы, сондай-ақ коронавирустық инфекцияға күдікті уақытта алдын алу шаралары мен іс-әрекеттері туралы хабардар етуді қамтамасыз етуді;
Жаңалықтар
Жалпы ұлттық ата-аналар жиналысы
- Толығырақ
- Жарияланды 15.05.2019 06:35
Ата – аналарды отбасылық тәрбиелеу мәселелерін талқылауға тарту, олардың бала тәрбиесіндегі рөлін арттыру мақсатында 2019 жылдың 15 мамырында сағат 18.30-да ауданның барлық мектептерінде Халықаралық Отбасы күніне арналған «Отбасы тәрбиесі - өскелең ұрпақтың азаматтығының негізі» атты жалпыұлттық ата-аналар жиналысы өтті.
Іс-шараға аудан оқушыларының 939 ата-анасы, мектеп педагогтары, Аудандық полиция бөлімінің қызметкерлері, аудандық білім беру бөлімінің өкілдері, еңбек ардагерлері қатысты.
Ата-аналар жиналысы барысында рухани дамыған тұлғаны тәрбиелеудің маңызды мәселелері талқыланды: отбасы құндылықтарын сақтау және нығайту, ұрпақтар сабақтастығы, оқушылардың азаматтық сана-сезімін және патриотизмін қалыптастыруда ұлттық тәрбиенің маңызы.
«Зерек бала - 2019»
- Толығырақ
- Жарияланды 26.04.2019 06:45
2019 жылдың 26 сәуірінде аудандық мәдениет үйі базасында «Зерек бала - 2019» Успен аудан әкімі Б.Қ. Қасеновтың дарынды балалармен кездесуі өтті.
Іс-шараға аудан мектептерінің 20 оқушысы қатысты. Бұл – үздік оқушылар, олимпиада, ғылыми жұмыстардың жүлдегерлері, спорт және өнер жұлдыздары.
Іс-шара «Мeetup» форматында әңгімелесу түрінде өтті. Кездесу барысында оқушылар өздерін толғандыратын сауалдарды қоюға мүмкіндік алды. Бауыржан Қазыбекұлы оқушыларға толық әрі нақты жауаптар берді. Сөз соңында аудан әкімі қатысушыларға жаңа жетістіктер, талмай еңбектену және «Белгілі мақсатқа жету үшін, әр істі уақытылы жасау керек»,- деген кеңес берді.
Кездесудің соңында балалар әкімнің атынан «Зерек бала - 2019» белгісімен марапатталып, дәстүрлі естелік фото жасалынды.
2-4 сыныптар арасындағы математикалық турнир
- Толығырақ
- Жарияланды 09.04.2019 06:45
2019 жылғы 9 сәуір күні № 3 Успен ЖОББМ аясында жыл сайынғы 2-4 сынып оқушылары арасында математикалық турнир өткізілді.
Турнирдің мақсаты: бастауыш сынып оқушыларының математика пәнінен қызығушылығын дамыту.
Сайыста ауданның 15 мектебінен 18 команда, 54 оқушы қатысты. Турнир екі турдан тұрды: 1 тур – командалық, 2 тур – жеке. Балалар логикалық және практикалық тапсырмаларды шешті, командада және жеке жұмыс істей білуін көрсетті. Турнирдің қорытындысы бойынша 1 және 2 кезеңдерде жеңімпаздармен жүлдегерлер анықталды. Жеңімпаздармен жүлдегерлер білім бөлімінің мадақтамасы және сертификаттарымен марапатталды.
Кәсіби бағдар
- Толығырақ
- Жарияланды 09.04.2019 06:45
2019 жылдың 09 сәуір күні Успен ауылындағы "Балдырған" атты БЭО базасында С. Торайғыров атындағы Павлодар мемлекеттік университетінің өкілдері білім алушыларды кәсіптік бағдарлау және олардың жоғары оқу орнын таңдауда кәсіби өзін-өзі айқындауын қолдау мақсатында түлектер және 9,10,11 сынып оқушыларымен кездесті.
Оқушылар назарына ЖОО-ның қызметі мен мүмкіндіктері туралы бейнероликтер ұсынылды, 2019 жылғы ҰБТ-ның жаңа енгізілген өзгерістері туралы, сонымен қатар болашақ талапкерлерге буклеттер түрінде ақпараттық материалдар таратылды және ПМУ-ға түсу шарттары толық түсіндірілді. /p>
"Жас Қанат" жобасы аясындағы "Шуақты көктем" атты аудандық музыкалық байқауы
- Толығырақ
- Жарияланды 15.03.2019 06:45
2019 жылы 14 наурызда "Балдырған" балалар эстетикалық орталығында "Шуақты көктем" атты аудандық музыкалық байқауы өтті.
Байқаудың мақсаты: заманауи музыкалық өнер рухында оқушылар ұжымдары арасында вокалдық, би және аспаптық орындаушылардың шығармашылық қызметін жандандыру. Байқау ұжымдар арасындағы достық қарым-қатынасты нығайтуға, стильдер мен формалардың алуан түрлілігі есебінен музыкалық орындаушылықты танымал етуге мүмкіндік береді.
Конкурстың міндеттері: - шығармашыл дарынды балаларды анықтау және қолдау; - кәсіби және әуесқой шеберлігін арттыру; - қоғамның назарын балалар мен жасөспірімдер шығармашылығына аудару.
"Деструктивті табынушылыққа және экстремистік ұйымдарға қалай тартылмау керек"
- Толығырақ
- Жарияланды 14.03.2019 17:45
14 наурызда №1 Успен жалпы білім беру мектебінің базасында 11 сынып оқушылары үшін "Деструктивті табынушылыққа және экстремистік ұйымдарға қалай тартылмау керек" атты тренинг өткізілді.
Осы тренингтің мақсаты жасөспірімдерде бейбітшілікті тәрбиелеу, басқа адамдарды қабылдау және түсіну, олармен жағымды қарым-қатынас жасау. Сабақта мектеп психологы В. И. Бахман оқушыларды "Деструктивтік діни ағымдар" ұғымымен таныстырды. Оқушылар "Экстремизм" тақырыбына кластер жасады. Сонымен қатар "Деструктивтік діни ағымдар - санаңның тұманы" атты бейнефильм көрсетілді. Балаларға бір тапсырманың ішінде адамның психологиялық портретін сипаттау, әрі олардың пікірінше деструктивті бағыттағы желіге оңай түсіп қалатын, сонымен қатар осы бағыттағы өкілі болып табылатын адамды сипаттау ұсынылды.
«Үздік сабақ әзірлемесі - 2019» І облыстық конкурсының аудандық кезеңінің нәтижесі
- Толығырақ
- Жарияланды 14.03.2019 16:45
Успен ауданы білім беру мекемелерінің жаратылыстану-математикалық бағытындағы пәндерді ағылшын тілінде оқытатын мектеп педагогтары тарапынан ұсынылған үздік сабақ әзірлемелерін қарастыру бойынша отырыс 2019 жылғы 11 наурызында өткізілді.
2018-2019 оқу жылында Успен ауданының 15 мектебінде үштілділікті енгізу ішінара оқытумен (вариативтік компоненттен) жүзеге асырылды.
Жалпы ауданның 13 мектебінен ЖМБ пәндерін (физика, биология, информатика) ағылшын тілінде оқыту бойынша - 17 педагог: оның ішінде физикадан – 8, биологиядан – 7, информатикадан – 2 және орыс тілінде оқитын сыныптарда Қазақстан тарихы пәнінен 1 педагог қатысты.
«Үздік сабақ әзірлемесі - 2019» І облыстық конкурсын өткізу туралы Ережесіне сәйкес мұғалімдердің жұмыстары бағаланды. Біріншіден конкурсқа ұсынылған сабақ әзірлемелерінің құрылымы, мазмұны, ресімдеу талаптары ескерілді. Жаңартылған білім беру мазмұны жағдайында ЖМБ пәндерін оқытудың әдіс-тәсілдері, сабақты ұйымдастыру мен өткізуге қойылатын заманауи талаптардың, сабақтың кезеңдер арасында өзара байланысы сақталған.
