Жаңалықтар

«1 НАУРЫЗ - АЛҒЫС АЙТУ КҮНІ!»

Толығырақ

Жарияланды 01.03.2019 06:45

   2016 жылғы 14 қаңтардағы Қазақстан Республикасының Президенті Н.Ә. Назарбаевтың Қазақстан халқына жолдауында 1 наурызда елімізде Алғыс айту күні болып белгіленді.

   Бұл мереке кешегі тоталитарлық жүйенің қысымымен қазақ жеріне жер аударылып келіп, қазақтан пана тауып, қазір осы жерде тұрып жатқан өзге ұлт өкілдерінің Қазақ халқына деген Алғыс айту күні болып табылады.

   «1 наурыз - Алғыс күні!» барлық білім беру ұйымдарында салтанатты іс-шаралар ұйымдастырылды.

   Мектеп кітапханаларында «Алғысым шексіз, халқыма» атты кітап көрмесі, оқушылар Алғыс айту күніне арналған қабырға газеттерін жасады .

   Аудан мектептерінде «Бір шаңырақ астында» атты бірыңғай флеш-моб өтті.

   1 наурызда «Балдырған» БЭО фойесінде «Қазақстан – менің Отаным» панорамалық көрмесі аудан мектептері арасында «Қазақстан, біз саған ризамыз!» атты суреттер байқауы өткізілді. 1 орынды Таволжан ЖОББМ мектепалды даярлық сынып оқушысы -Негодина Алиана, №2 Успен ЖОББМ мектепалды даярлық сынып оқушысы - Козленко Алина иеленді; 2 орынды Ковалев НЖББМ 3 сынып оқушысы - Набиева Диана, мектепалды даярлық сынып оқушысы Ахимова Аделя және 1 сынып оқушысы Николаев Игорь иеленді; 3 орынды Қозыкеткен ЖОББМ 4 сынып оқушысы - Герлиц Вероника және Богатыр НЖББМ мектепалды даярлық сынып оқушысы - Бондарева Дарья, 4 сынып оқушысы Карпеченко Иван иеленді. «Балдырған» БЭО фойесінде барлық суреттерден көрме түрінде безендірілді.

   «Менің үйім! Менің тағдырым! Менің Қазақстаным!» концерттік бағдарламасында №1, 2, 3 Успен ЖОМ оқушылары және «Балдырған» БЭО тәрбиеленушілері әр түрлі тілде ән шырқап, ерекше музыкалық тартуларымен шараға қатысушыларға, көрермендерге мерекелік көңіл-күй сыйлады. Бүгінгі концерттік бағдарламаны дайындап, жиналғандарға көтеріңкі көңіл-күй сыйлағаны үшін музыкалық үйірме жетекшілеріне Алғыс айту күні Г.В. Черненко, Л.П. Бут, З.Р. Шакаргалиева, Л.М. Солонина, Л.П. Леонтьеваға «Балдырған» БЭО алғыс білдіреді.