Материалдар

«IQanat» олимпиадасы

   2019 жылғы 11 қараша күні №3 Успен ЖОБББМ базасында Республикалық «IQanat» олимпиадасының 1 кезеңі өтті.

   Олимпиада «IQanat» білім беру қорының облыстық үйлестірушісі Т.Н. Иванова және IQanat» білім беру қорының волонтеры Ғ.Қ. Мусина ұйымдастыруымен өткізілді.

   Олимпиаданың негізгі мақсаттары мен міндеттері: қабілетті оқушыларды анықтау және қолдау, ауыл оқушыларының шығармашылық, танымдық, зияткерлік бастамаларын жандандыру; оқушылардың математика, физика, ағылшын тілі және әдебиет сияқты пәндерді оқуға қызығушылығын қалыптастыру; оқушылар арасында тікелей байланыс пен тәжірибе алмасуға жағдай жасау.

   Олимпиада келесі пәндер бойынша өткізілді: математика, физика, ағылшын тілі, «Эрудит» эссе конкурсы.

   Олимпиадаға ауданның мектептерінен - 32, 9 сынып оқушылары қатысты. 1 кезеңнің қорытындысынан жоғары ұпай жинаған оқушылар келесі кезеңге жолдама алады.