Материалдар

Отбасы күні

2013 жылғы 01 наурызда Ел Президенті Н.Назарбаев Қазақстан Республикасының кәсіби және өзге мерекелер тізбесіне өзгертулер мен толықтырулар енгізу туралы жарлыққа қол қойды. Сол Жарлықпен жаңа мереке тіркеліп, Отбасы күнін тойлау күні – қыркүйектің әр екінші жексенбісі бекітілді.
Бұл мерекені жыл сайын атап өтудің негізгі мақсаты – отбасы институты арқылы мәдени құндылықтарды, дәстүрлерді, парасаттылық пен руханилықты сақтау, жасөспірім буынды тәрбиелеу, демографиялық мәселелерді, сондай-ақ әлеуметтік сипаттағы мәселелерді шешу бойынша ұлттық мемлекеттік міндеттерді іске асыру.