«Айбын» әскери-қолданбалы спорт түрінен жарыс

   2016 жылдың 21 қазанында Павлодар ауданы Чернорецк жалпы орта білім беру мектебінде облыстық «Айбын» әскери-қолданбалы спорт түрінен жарыс өткізілді. Жарысқа 12 ауданнан және Павлодар, Ақсу, Екібастұз қалалары командалары қатысты.

   Жарыс бағдарламасына: пневматикалық мылтықпен оқ ату, гранатаны нысанаға лақтыру, жалпы әскери қорғаныс кешені, АК-74 автоматын жартылай бөлшектеу және жинау, күштік дайындық, арқан тартыс енді. Успен ауданы құрама командасы күштік дайындықтан бірінші орын, оқ атудан үшінші орынға ие болды. Жалпы жарыс қорытындысы бойынша Успен ауданы командасы алтыншы орынды иеленді.