«Адал ұрпақ» еріктілер клубтарының облыстық жиыны

    Павлодар қаласында М. Қатаев атындағы Оқушылар сарайында 2017 жылғы 18 қыркүйекте «Адал ұрпақ» еріктілер клубтарының облыстық жиыны өтті. Жиынға ауданымыздан Лозовой орта мектебінің оқушыларынан құралған команда қатысты.

   Іс-шараның мақсаты - жоғары адамгершілігі бар, жауапты, бастамашыл және әлеуметтік құзыретті азамат пен патриоттың қалыптасуы мен дамуына жағдай жасау.

   Жиын 4 конкурстан тұрды:

- үгіт-насихат сайысы;

- «Оқушылардың сыбайлас жемқорлыққа қарсы тәрбиесі» буклеттер конкурсы;

- «Сыбайлас жемқорлыққа STOP!» атты үздік бейне ролик конкурсы.

-«Білім беру саласында жемқорлықтың болуы мүмкін бе?» тақырыбында шешендік өнер шеберлері конкурсы.

   Жиынға облыстың барлық өңірлерінен 20 команда қатысты. Конкурс нәтижесінде «Сыбайлас жемқорлыққа STOP!» атты үздік бейне ролик конкурсында аудан намысын қорғаған Лозовой орта мектебінің еріктілер командасы ІІ Дәрежелі дипломмен марапатталды. Команда жетекшісі мектептің аға тәлімгері Кравченко З.И.