Мұғалім – мектептің жүрегі

   Білім саласы қызметкерлерінің мерекесіне орай ағымдағы жылдың 30 қыркүйегінде Успен ауылы аудандық Мәдениет үйі базасында салтанатты жиын өтті. Аталмыш шараға білім саласының ардагерлері, білім беру ұйымдарының директорлары және қоғамдық мекемелердің өкілдері қатысты.

   Аудан әкімі С.И. Саламацкий құттықтау сөз сөйлеп, бір топ озат мұғалімдерге алғыс хаттар табыстап, гүл шоқтарын ұсынды. «Шебер ұстаз», «Ұлағатты ұстаз», «Алтын жүрек», «Табыс» номинациясымен білім беру ұйымдарының педагогтары мен қызметкерлері марапатталды. Мадақтамалар мен естелік сыйлықтар табыс етілді.

   Салтанатты рәсім дәстүр бойынша жыл сайынғы аудандық «Жыл мұғалімі», «Жыл тәрбиешісі», «Жыл психологі», «Үздік әдістемелік бірлестік» конкурс жеңімпаздары марапаттаумен жалғасын тапты. «Жыл мұғалімі» атағы №1 Успен орта мектебінің физика пәнінің мұғалімі А.Н. Захаровқа берілді. «Жыл тәрбиешісі» конкурсының жеңімпазы Т.В. Пудич, «Балапан» бала бақшасының тәрбиешісі, «Жыл психологі» атағына Павлов орта мектебінің психологі А.Қ. Аусагитова лайықты деп танылды. «Үздік әдістемелік бірлестік» атағын ҚБ ӘБ жетекшісі А.А. Середе, №1 Успен орта мектебі жеңіп алды.

   Мұғалімдерді жас өнерпаздар құттықтады. Мерекелік концерт ұсынды.