Күзгі кросс

   2017 жылдың 29 қыркүйегінде Успен ауылында оқушылардың 27 жазғы спартакиадасы есебінен күзгі кросс бойынша жарыстар өткізілді. Жарысқа 60 оқушыдан құралған 12 команда қатысты. Жарыс қорытындылары бойынша ІІІ орынды Лозовой ЖОББМ, жаттықтырушысы М.Н Сеитов, О.А Слесаренко, ІІ орынды №3 Успен ЖОББМ, жаттықтырушы Т.С Альдекенов, М.Б Курманалинов, және І орынды Константинов ЖОББМ, жаттықтырушысы А.Ш. Есембаев, А.М Садовенко, Ж.Б Мадениетов жеңіп алды. Қыздар арасындағы жеке есепте ІІІ орынды И. Раббе (№2 Успен ЖОББМ), ІІ орынды М. Шремзер (Константинов ЖОББМ), және І орынды Е. Ланглиц (Лозовой ЖОББМ), жасөспірімдер арасында ІІІ орынды Зейнулла Тілек, ІІ орынды А. Бондарь (Павлов ЖОББМ) және І орынды Ә. Таласпаев (№3 Успен ЖОББМ) иеленді. Жүлделі орындарға ие болған командалар мен қатысушылар «Қайсар» ДД БЖК мадақтамалары және медалдармен марапатталды. Ең үздік спортшылардың ішінен облыстық жарысқа қатысу үшін аудандық құрама команда құрылды, олар 2017 жылдың 6 қазанында Павлодар қаласында өтетін облыстық жарысқа қатысатын болады.