Кәсіби бағдар

    2018 жылдың 12 қараша күні Успен ауылындағы "Балдырған" атты БЭО базасында С. Торайғыров атындағы Павлодар мемлекеттік университетінің өкілдері білім алушыларды кәсіптік бағдарлау және олардың жоғары оқу орнын таңдауда кәсіби өзін-өзі айқындауын қолдау мақсатында түлектер және 9-10 сынып оқушыларымен кездесті.

   Кездесуді С. Торайғыров атындағы ПМУ-дың ғылыми – инновациялық жұмыс жөніндегі проректоры – Ержанов Нұрлан Тельманұлы, экономика және бизнес Мемлекеттік басқару факультетінің деканы – Эрназаров Тахир Эздурдиевич, экономика және бизнес Мемлекеттік басқару факультеті деканының орынбасары - Стегайло Ирина Викторовна, "Foundation" факультетінің кәсіптік бағдар беру жұмысы бойынша сектор меңгерушісі – Қонақбаева Гүлназ Ертайқызы, қабылдау комиссиясының жауапты хатшысы-Шабанова Динара Маратқызы өткізді.

   Оқушылар назарына ЖОО-ның қызметі мен мүмкіндіктері туралы бейнероликтер ұсынылды, сонымен қатар болашақ талапкерлерге буклеттер түрінде ақпараттық материалдар таратылды және ПМУ-ға түсу шарттары толық түсіндірілді.