«Жасөспірім – Заң – Қауіпсіздік» акциясы

    Успен ауданында «Бақытты балалық шақ аясында» имидждік жобасы шеңберінде білім беру бөлімімен бірлесе кәмелетке толмағандардың істері жөніндегі ІІО инспекторы А.С. Аралбаевпен 2018 жылдың 19 ақпанынан «Жасөспірім – Заң – Қауіпсіздік» акциясы басталды. Акцияны іске асыру барысында ауданның 19 мектептерінде 680 оқушыны қамтумен профилактикалық әңгімелер өткізілуде. Іс-шараның негізгі мақсаты – кәмелетке толмағандар арасындағы құқық бұзушылықтың алдын алу, сонымен қатар олардың құқықтық сауаттылығын арттыру. Инспектор А. Аралбаев оқушыларға ҚР әкімшілк құқықбұзушылық туралы және Қылмыстық Кодексінің кәмелетке толмағандарға қатысты баптарына түсінік берді. «Жасөспірім – Заң – Қауіпсіздік» акциясы білім беру мекемелерінде 24 ақпанға дейін жалғасады. Аудандық ІІО оқушылар үшін қосымша экскурсиялар, ашық есік күндері өткізіледі. Сондай-ақ, кәмелетке толмағандар арасында құқықбұзушылықтың алдын алу мәселелері бойынша ЖПҚ қызметкерлерімен бірлесе ата-аталармен кездесулер жоспарланып отыр.