Аудандық Мағжан оқулары өз мәресіне жетті

    2018 жылдың 18 қазанында аудандық білім беру бөлімінің ұйымдастыруымен №3 Успен жалпы орта білім беру мектебінің базасында өткізілген республикалық «Мағжан оқулары» байқауының аудандық кезеңіне 12 мектептен, 33 оқушы қатысты.

   Мағжан оқулары үш бағыт бойынша өткізілді. «Өлең-менің Шолпаным, Айым, Күнім» Мағжан шығармаларын жатқа оқыды. «Ақын да бір бала ғой айға ұмтылған» бөлімінде жас ақындар өз туындыларымен таныстырды. «Толқынмен толқын сырласып...» -М.Жұмбаевтың шығармалары бойынша зерттеу жұсмыстары ұсынылды.

   Байқау қорытындысы төмендегідей болды:

   «Өлең - менің Шолпаным, Айым, Күнім» бағыты бойынша оқыту тілі қазақ мектептері арасында І орынды №3 Успен жалпы орта білім беру мектебінің 11 сынып оқушысы Бердмурат Салтанат иеленді. Орыс мектептері арасынан ерекше көзге түскен Константинов жалпы орта білім беру мектебінің 5 сынып оқушысы Ерғали Балнұр өз қатарластарынан озық шығып жеңімпаз атанды.

   «Ақын да бір бала ғой айға ұмтылған» бөлімі бойынша І орын №3 Успен жалпы орта білім беру мектебінің 5 сынып оқушысы Аскаров Есмухан.

   «Толқынмен толқын сырласып...» - М.Жұмбаевтың шығармалары бойынша зерттеу жұмыстары кезеңі бойынша І орын Қаратай жалпы орта білім беру мектебінің 8 сынып оқушысы Ораз Гүлдана.

   Жеңімпаздар мен жүлдегерлерді құттықтаймыз!