Аудан мектептеріндегі күзгі демалыс
2018 жылдың 29 қазан – 2 қараша күндері аралығында күзгі демалыс кезіндегі білім беру мекемелерінде оқушылардың бос уақытын ұйымдастыру үшін оңтайлы жағдай жасау, денсаулықты нығайту және шығармашылық әлеуетін дамыту мақсатында тәрбие жоспары құрылды.
Жұмыс жоспарына сәйкес күзгі демалыс кезінде оқушылармен тәрбиелік іс – шаралар күн сайын өткізілді, негізінен іс-шаралар жаппай сипатқа ие болды: танымдық және ойын түрлі бағдарламалары, олардың мазмұны балалардың барлық жас категориясына бағытталған.
«ЭКОboom» облыстық жобасын жүзеге асыру шеңберінде «Болашақ бағы» акциясы
2018 жылғы 20 қазанда Успен ауданының барлық 19 мектепте «ЭКОboom» облыстық жобасын жүзеге асыру шеңберінде «Болашақ бағы» акциясы өтті. Акцияның мақсаты – педагогикалық ұжымның, ата-аналардың, оқушылардың бірлескен қызметі арқылы тұлғаның еңбектік, рухани-адамгершілік дамуы негізінде оқушылардың экологиялық мәдениетін қалыптастыру. Бірінші сынып оқушысы 11 жыл бойы оқитын, өмірінің көп бөлігін өткізетін, екінші үй болып саналатын мектепте балалардың өмірі мен өсуінің нышаны, ауаны ластанудан тазартушы болып табылатын – өсімдіктерді отырғызудың мектеп дәстүрін құру.
Қорғаншы күні
2018 жылы 2 қарашада Қорғаншы күніне арналған Павлодар облысы әкімі аппаратының «Қоғамдық келісім» КММ қорғаншылар облыстық форум өтті.
Осы іс-шараның мақсаты - өз отбасына баланы тәрбиелеуге қабылдаған отбасыларға алғыс білдіру, бөтен бала және бөтен қайғы болмайтын адамдарды көтермелеу, жетім балалар мен ата-анасының қамқорлығынсыз қалған балаларды отбасына орналастырудың баламалы нысандарын насихаттау.
Біздің ауданнан отбасылық үлгідегі балалар үйінің директоры А.Б. Жұмабеков, қорғаншы Б.Ш.Мукушева, патронат тәрбиеші М.Х. Амри қатысқан, олар облыс әкімінің орынбасары М.М. Бегентаевтің және Павлодар облысы білім беру басқармасының алғыс хаттармен марапатталды. Патронат тәрбиеші Маржан Хасильжанқызы Амри осындай мереке, көңіл бөлу мен қамқорлық үшін алғысын білдірді.
Аудандық баскетбол лигасы
2018 жылдың 20 қазанында № 2 Успен ЖОББМ және № 3 Успен ЖОББМ спорт залдарында Ұлттық мектеп лигасы шеңберіндегі бірінші аудандық спартакиада бағдарламасы бойынша 2004-2006 жылдары туылған жасөспірімдер арасында баскетбол жарысы өткізілді. Жарысқа аудан мектептерінің 63 оқушысы қамтылуымен 8 команда ат салысты. Ойын қорытындысы бойынша үшінші орынды № 2 Успен ЖОББМ командасы, (команда құрамында Тивоняк В., Пудич М., Ширажиденов О., Сарсенбаев Р., Сатыбаев А., Шлейгель В., Юсупов Д., Бочковский И., жаттықтырушысы Лозовик Д.И.) иеленді, екінші орынды № 1 Успен ЖОББМ командасы (команда құрамында Головков Д., Усенов А., Мамошин И., Королёв А., Пашутин Н., Жумутов Ж., Каиртасов А., Голованов В., жаттықтырушысы Сагайдак М.Б.) иеленді, ал бірінші орынға Константинов ЖОББМ (команда құрамында Зеленый В., Легчилин Д., Мелокумов К., Ефименко А., Кутышенко И., Балдин И., Вертман Г., Кенжиев Б., жаттықтырушысы Мадениетов Ж.Б.) ие болды. Жарыстың жеңімпаздары мен жүлдегерлері "Қайсар"БЖК атынан грамоталармен, медальдармен және бағалы сыйлықтармен марапатталды.
Кәсіби бағдар
2018 жылдың 2 қараша күні Успен ауылындағы №3 орта жалпы білім беру мектебінің базасында оқушылардың кәсіптік бейімделуі мен олардың кәсіби өзін-өзі анықтауын қолдау мақсатында, 9-11 сынып оқушылары үшін Павлодар мемлекеттік педагогикалық университетінің қызметі жөніндегі презентациясы ұйымдастырылды.
Кездесуді жұмыспен қамту және кәсіптік бағдар беру бөлімінің басшысы А. Е. Ауешов пен корпоративтік имиджді дамыту бөлімінің басшысы А. К. Абсаликов өткізді.
Оқушылардың назарына университеттің қызметі туралы презентациясы ұсынылды, әрі болашақ үміткерлердің назарына буклеттер түрінде ақпараттық материалдар берілді және ПМПУ-ға түсу шарттары түсіндірілді.
Аудандық Мағжан оқулары өз мәресіне жетті
2018 жылдың 18 қазанында аудандық білім беру бөлімінің ұйымдастыруымен №3 Успен жалпы орта білім беру мектебінің базасында өткізілген республикалық «Мағжан оқулары» байқауының аудандық кезеңіне 12 мектептен, 33 оқушы қатысты.
Мағжан оқулары үш бағыт бойынша өткізілді. «Өлең-менің Шолпаным, Айым, Күнім» Мағжан шығармаларын жатқа оқыды. «Ақын да бір бала ғой айға ұмтылған» бөлімінде жас ақындар өз туындыларымен таныстырды. «Толқынмен толқын сырласып...» -М.Жұмбаевтың шығармалары бойынша зерттеу жұсмыстары ұсынылды.
