Материалдар

Тамыз педагогикалық оқулары

  Облыстық білім беру қызметкерлерінің іс-шаралар жоспары шеңберінде ағымдағы жылғы 19 тамыз күні «Білімді ел – мәңгілік ел» тақырыбында аудандық білім беру мекемелерінде №1 және №3 мектептерінде, «Балдырған» балалар эстетикалық орталығында 14 пән бойынша секция жұмысы отырысы болып өтті.
   Секция жұмысына 300 білім беру саласының қызметкерлері қатысты. Білім беру сапасын арттыру негізінде критериалды бағалау, деңгейлік бағдарламалар бойынша педагогикалық кадрлардың біліктілігін арттыру, жаңа тәсілдері қолдану барысын айқындау, білім мазмұнының жаңаруы бойынша сұрақтар секция жұмысында талқыланды.
   Тамыз кеңесі барысында құзыреттілік тәсілді жүзеге асыру, критериалды бағалау бойынша өз тәжірибелерімен Б.А. Сарсенбаева, Г.А. Юрчук, Н.О. Березнякова, Г.Ш. Белецерковец, С.В. Ромодин және т.б. бөлісті. Жан-жақты жаңа формада тәсілдерді оқытуға байланысты коучингтер, шеберлік сағаттарын көрсетуге мүмкіндік берілді.
   Секция отырысы соңында балаларды оқыту мен тәрбиелеу жөніндегі сұрақтары бойынша ұсыныстар қабылданды.
   Тамыз секциясына белсенді қатысқандарға білім бөлімінің сертификаттары табысталды.