8-11 сынып оқушыларына арналған бірінші облыстық гуманитарлық олимпиада.

    12 наурызда онлайн форматта "Ертіс дарыны" РМБО ұйымдастыруымен жалпы білім беру мектептердің 8-11 сынып оқушыларына арналған бірінші облыстық гуманитарлық олимпиада өтті.

Олимпиадаға 11 сынып оқушысы Зайдуллаева Динара қатысты.

   Гуманитарлық олимпиада - Қазақстан тарихы мен Қазақ әдебиеті бойынша білімді жүйелеуге, мектеп бағдарламасына енбеген шығармаларды оқуға бағытталған пәнаралық олимпиада.

   Олимпиаданың мақсаттары:

- қоғамның тарихи жадын сақтау мен байытуға және өз елінің мәдени мұрасына ұқыпты қарауға ықпал ететін өскелең ұрпақтың қазақстандық патриотизмін қалыптастыру;

- ұлттың рухани дамуы мен қоғамның рухани әлеуетінің көрсеткіші болып табылатын оқушылардың оқу мәдениетін дамыту;

- оқушылардың шығармашылық қабілеттерін дамыту және жүзеге асыру үшін жағдай жасау;

- Қазақстан тарихы мен қазақ әдебиетіне деген танымдық қызығушылықты арттыру.

Олимпиада 2 турдан тұрды:

1 тур - оқушылар Қазақстан тарихы мен қазақ әдебиеті бойынша 25 тест сұрағын орындады (60 мин.);

2 тур - ұсынылған үш тақырыптың біреуіне эссе жазу (90 мин.).