«Ұстаз – мектептің жүрегі» мұғалімдер күніне арналған мерекелік шара

   Білім саласы қызметкерлерінің мерекесіне орай ағымдағы жылдың 29 қыркүйегінде Успен ауылы «Балдырған» балалар эстетикалық орталығының базасында салтанатты жиын өтті. Аталмыш шараға білім саласының ардагерлері, білім беру ұйымдарының директорлары және қоғамдық мекемелердің өкілдері қатысты.  

   Балалар эстетикалық орталығы ошағының дәлізінде көрме ұйымдастырылды.

   Аудан әкімі С.И. Саламацкий құттықтау сөз сөйлеп, бір топ озат мұғалімдерге алғыс хаттар табыстап, гүл шоқтарын ұсынды. «Шебер ұстаз», «Ұлағатты ұстаз», «Алтын жүрек», «Табыс» номинациясымен білім беру ұйымдарының педагогтары мен қызметкерлері марапатталды. Мадақтамалар мен естелік сыйлықтар табыс етілді.

   Салтанатты рәсім дәстүр бойынша жыл сайынғы аудандық «Жыл мұғалімі», «Жыл тәрбиешісі», «Жыл психологі», «Үздік әдістемелік бірлестік» конкурс жеңімпаздары марапаттаумен жалғасын тапты. «Жыл мұғалімі - 2016» атағы №3 Успен орта мектебінің орыс тілі мен әдебиеті мұғалі Е. Асановқа берілді. «Жыл тәрбиешісі - 2016» конкурсының жеңімпазы И. Фот, Вознесен орта мектебі жанындағы шағын орталық тәрбиешісі, «Жыл психологі - 2016» атағына Таволжан орта мектебінің психологі А. Есалинова лайықты деп танылды. «Үздік әдістемелік бірлестік -2016» атағын Константинов орта мектебінің бастауыш сынып әдістемелік бірлестігі жеңіп алды.

   Мұғалімдерді жас өнерпаздар құттықтады. Мерекелік концерт ұсынды.