Сазды әуенді тап

   2016 жылдың 3 қараша күні «Балдырған» балалар эстетикалық орталығында «Сазды әуенді тап» қызықты ойын өтті. Ойынға «Титандар», «Бавария» және «Юные» топтары қатысты. «Мультфильмнен әндер» атты санатында «Титандар» тобы алға шықты. Олардан «Юные» тобы қалыспады. Әрбір әуен сайын, ұпайлар үшін күрес қыза түсті. Жанкүйерлер де қобалжып отырды, ойын барысында олар өз топтарына көмектесуге тырысты. Әрбір тур сайын тапсырмалар күрделене бастады. 4 турдың соңында алға шыққан «Титандар» тобы болды.

   Ақтық мәреге «Супер ойын» санатына 1-ші болып келесі топтардың капитандары шықты:

1. «Титандар» тобының басшысы - Логвиненко Ксения

2. «Юные» тобының басшысы – Абдрафиков Юрий

3. «Бавария» тобының басшысы – Жұмадір Әмина.

Ең көп ұпай жинап, ойынның көшбасшысы болып атанған – Логвиненко Ксения. Қазылар алқасы ақылдаса келе, жеке белсенді меломандарды және ойынға қатысқан топтарды марапаттауды жөн көрді. Оларға алғыс хаттар табыс етілді. Барлық қатысушы балалар ойыннан қызықты әсер алып қоймай ғана, көтеріңкі көңілге де ие болды. Ойыннан кейін естелік фотосуретке түсті.