Қызықты күзгі каникул шарасы

   №3 Успен орта білім беру мектебінде күзгі демалыс кезінде түрлі шаралар ұйымдастырылды. Шаралар 4 бағытта жоспарланды: спорттық, танымдық, патриоттық, шығармашылық. Каникул кезінде оқушылардың шет қалмауын басты назарда ұстаған мектеп психологы, дене шынықтыру мұғалімдері, сурет мұғалімдері, кітапханашы, музыка мұғалімі, аға тәлімгері алаңсыз қалмады. Қызықты спорттық жарыстар өткізіп: «Денсаулық зор байлық» атты эстафеталық қозғалыс ойындары, «Дойбы», «Менің туған өлкем» атты сурет сайысы, «Қызықты психология», «Тапқыр оқырман» сайысы, тәуелсіздіктің 25 жылдығына орай – «Патриоттық ән байқауы» өтті.

   Күзгі демалыс кезінде өткізген шаралардың тәрбиелік мәні зор болды, оқушылар арасында салауатты өмір салтын қалыптастыруды насихаттау, эстетикалық тәрбие беру, оқушыларды Отан сүйіспеншілікке, патриотизмге тәрбиелеу, және каникул кезінде оқушылардың бос уақытын дұрыс пайдалану мақсатымен ұйымдастырылды.