Облыстық спорт жарыстарының жеңімпаздары

   2017 жылға ақпанның 3-5 аралығында Павлодар қаласында мектеп оқушыларының 16-шы облыстық қысқы спартакиада есебіне қысқы Президенттік көпсайыс, қысқы спорттық бағдарлау және үстел теннисі бойынша жарыстар болып өтті.

   Біздің ауданымыз қысқы Президенттік көпсайыс және қысқы спорттық бағдарлау жарыстары бойынша жүлдегерлердің құрамында болып, лайықты жалпы командалық екінші орынды еншісіне байлады. Командаларды А.Г. Козий, В.А. Дьяченко, Д.И. Лозовик (№ 2 Успен ОМ), Т.С. Альдекенов (№ 3Успен ОМ) сынды дене шынықтыру мұғалімдері даярлады. Қысқы Президенттік көпсайыс жарысында жеке есепте үшінші орынды Зиньковская С (№ 2 Успен ОМ), үшінші орын Таласпаев А. (№ 3 Успен ОМ), бірінші орынды Гелевера А (№ 2 Успен ОМ) иеленді.

   Қысқы спорттық бағдарлау жарысында жеке есепте үшінші орынға Ахимова К (№ 2 Успен ОМ), бірінші орынға Кулага Д (№ 2 Успен ОМ), екінші орынға Жанузаков Ж (№ 2 Успен ОМ) ие болды.

   Үстел теннисі бойынша біздің ұлдарымыз жүлделі үшінші орынды иеленді, команда құрамы Анисимов А, Акишев А (Таволжан ОМ), Айткужинов Р (Қозыкеткен ОМ), команданы Таволжан ОМ дене шынықтыру мұғалімі А.М. Халанский, Қозыкеткен ОМ дене шынықтыру жөніндегі нұсқаушы Л.А. Щербань даярлады.