Успен ауданындағы көшпелі көшбасшылық мектебі

Көктемгі демалыс аясында 2017 жылдың 30 наурызында № 2 Успен ЖОББМ базасында М.Қатаев атындағы облыстық оқушылар сарайының «Тиімді шығармашылық шеберханасы» балалар активінің көшпелі жұмысы өткізілді.

   Іс-шараға аудан мектептерінен 120 - дан аса оқушылар және педагогтар, аға вожатыйлар, мектеп омбудсмандары, психологтар, «Жас Ұлан» ББЖҰ мектептік ұйымдарының көшбасшылары қатысты.

   Облыстық «Жас Ұлан» штабы педагогтар командасының басшысы О.В. Петрович қатысушыларды 7 бағыт бойынша секциялар жұмысына тартты: «ТЖДО және вожатыйлардың педагогикалық порталы», «Психологиялық қызмет тәсілдері мен қабылдау», «Құқықтық лабиринт», «Жаным менің», «Тимбилдинг», «Заманауи бидің негіздері». Оқушылар зор қызығушылықпен жұмысқа кірісіп кетті, дебаттарға белсене қатысты, жаңа жұмыс түрлерімен танысты, заманауи биді үйренді.

   Осындай бағыттағы шығармашылық алаңдар оқушыларға бастама көтере білуге, шығармашылық әлеуетін және көшбасшылық сапасын ашуға, жаңа достар табуға, жаңа жетістіктерге жетелер куат алуға септігін тигізеді.