Павлодар облысының 80 жылдығына арналған бірыңғай сынып сағаттары
2018 жылдың 15 қаңтарында Павлодар облысының 80 жылдығына арналған шаралар басталды. Успен ауданының 19 мектебінде Павлодар облысының 80 жылдығына арналған бірыңғай сынып сағаттары өтті, шара түрлі формада ұйымдастырылды: викторина, блиц-сұрақ, ойын, танымдық сағаттар, облыс туралы фильмдерді көрсету.
Сынып сағатынның басты мақсаты - оқушылардың туған өлкесі Ертіс өңірі жайлы, көрікті жерлері және тарихы туралы танымалдық өрісін кеңейту, азаматтық тұлғалық сананы, өз Отанына деген сүйіспеншілік пен мақтаныш сезімін қалыптастыруға септігін тигізу, өскелең ұрпақтың өзінің туған жеріне деген патриоттық рухын тәрбиелеу, оқушылардың Павлодар облысы туралы танымдық өрісіндамыту болып табылады.
Әсіресе Павлодар облысының құрамына кіретін қалалар туралы тыңдау және фильм көру, олардың ерекшеліктері, тарихы туралы, өнеркәсібі, «Ертіс жеріндегі - мереке» видеороликтерін көру қызықты болды. Шара барысында Павлодар облысының мәдениеті, медицинасы, білім саласы да назардан тыс қалмады.
Мектептерде облыстың танымал тұлғалары Қаныш Сатпаев, Сұлтанмахмут Торайғыров, Мәшһүр Жүсіп Көпеев, Павел Васильев, Мария Мудряк туралы әңгімеленді.