Жаңалықтар

Қаратай жалпы орта білім беру мектебінде өткізілген тұрақты жұмыс жасайтын аудандық семинар «Шағын жинақты мектептегі тиімді көшбасшылық және менеджмент»

Толығырақ

Жарияланды 18.01.2019 06:45

   2019 жылдың 18 қаңтарында Қаратай ЖОББМ базасында мектеп директорлары мен директор орынбасарларына арналған тұрақты жұмыс жасайтын семинар аясында «Шағын жинақты мектептегі тиімді көшбасшылық және менеджмент» тақырыбында семинар өтті.

   Семинардың мақсаты: басқарушылық және көшбасшылық дағдылар мен сапалардың тиімділігін, алынған білім мен дағдыларды басқару ақиқатына ықпалдастыру бойынша ұсыныстар мен құралдарды арттыру.

   Семинар жұмысына 46 педагог қатысты. 3 сыныпта математика пәнінен «Тез санау үшін көбейту қасиеттерін қолдану» (Скакова Б.М.), 9 сыныпта қазақ әдебиетінен Шортанбай Қанайұлы «Зар заман» толғауы (Дукеева Н.М.), физика пәнінен 8 сыныпта «Жылу алмасу» көптілділік элементтерін қолдану арқылы (Шапиев Д.М.), қазақ тілінен 4 сыныпта «Морфология еліне саяхат» (Джапарова К.Е.), химия пәнінен 9 сыныпта «Металдардың электрохимиялық кернеу қатары» (Уртакова Б.С.), дене шынықтыру пәнінен 5-6 сыныпта «Спорт ойындары» (Смаилов А. С.) тақырыбында ашық сабақтар өткізілді.

   Семинар барысында мектеп директоры Б.С. Бекенова «Білім берудегі көшбасшылық» тақырыбында коучинг өткізді. Директордың орынбасарлары үшін «Lesson study сабағын зерттеу барысындағы SMART мақсаттар» тақырыбында коучинг ұйымдастырылды.

   Семинар соңы мектеп оқушыларының концерттік бағдарламасымен ұласты. Білім бөлімінің атынан семинар жұмысына белсенді қатысқандарға сертификаттар табысталды.