«Мейірімділік күні»

Біз бүгін тек қана жақсы, жылы-жылы сөздер ғана айтамыз, - деп басталды бастауыш мектеп сабы.

Мейірімділік, жылы жүрек, басқа адамдарды түсіне білу, қайырымды болу – адами бақыт негізі.

Мен Сіздерге «Бақыт» рецептін айтып берейін. Оны естеріңізде сақтап, басқалармен бөлісіңіздер.

РЕЦЕПТ: Бір тостаған төзімділікті алып, оған толық жүрек махаббатты қосып, екі шымшым жомарттық салып, үстіне мейірімділіктен сеуіп, бір шөмшім күлкіден қосып, сенімнен де көбірек салыңыз. Барлығын жақсылап араластырыңыз.Сізге берілген өмір бөлігіне жағып, Сіздің жолыңызда кездесетін әр адамға таратып беріңіз.

Мұндай рецепттердің түр-түрін құрастыра аламыз, себебі тек мейірімді әрі кең пейілді адам ғана нағыз бақытты бола алады.

Сіздерге мейірімділік ағашын өсіруді ұсынамын. Оған қоса, тек бүгін ғана емес, сол сияқты әр күні бір-біріңізге тек жақсы да мейірімді сөздерді ғана айтып отырыңыз