Соңғы қоңырау

Біздің мектебімізде де соңғы қоңырау сыңғырлады. Мектеп түлектерін құттықтау үшін ауданымыздың әкімі Касенов Б.К. келді. Ол түлектерге сәттілік тілеп, жоғары білімге иеленіп, Қазақстан Республикасының азаматы деген беделді атақты өмірі бойы ұстап жүрулеріне тілегін білдірді. Касенов Б.К. мектеп түлектеріне сыйлықтарын сыйға тартты.

Өздерінің жылы тілек-лебіздерін мектеп директоры Жапарханова К.Б., ата-аналар, ұстаздар, оған қоса, әрине, бірінші сынып оқушылары да білдірді. Ал түлектеріміз бола, оныншы сынып оқушыларына мектеп кілтін ұсынып, бірінші сыныптағы оқушыларға болашақта, яғни 2028 жылы ашып оқулары жөніндегі өтінішпен хаттарын жолдады.

Вальс .... Қоштасу вальсі ... Соңғы сәттер .... Соңғы қоңырау .... Шіркін, қайтып келмес мектептік өмір. Алда – жаңа өмір. Барлықтарыңа сәттілік тілейміз, түлектер!