Материалы

«Қазақстан - Республикам менің»

Мақсаты: Оқушыларды туған жерін, туған елін, халқын ардақтап өтуге үйрету. Бақытқа жетер даңғыл жолдың бірі - туған Отанды сүюден басталатынын түсіндіру, Отанға деген патриоттық сезімдерін ояту.

Оқушыларға 25- қазан Республика күніне орай «Қазақстан - Республикам менің» атты сынып сағаты өткізілді. Сынып сағаты әрине еліміздің әнұранымен басталды. Адам шыр етіп дүниеге келгенде, кіндік қаны тамған жерін – Отан дейді. Әрбір адамда Отанға, туған жерге деген ыстық сезім, үлкен махаббат болады. Алысқа жолаушылап кетіп, туған жеріне оралған сәтте тауы да, тасы да саған ыстық болып тұрады. Адамзаттың парызы - туған Отанын гүлдендіріп, сақтап, ұрпақтан ұрпаққа жеткізу. Ұлы ағартушы, халқымыздың рухани көсемі А. Байтұрсынов: «Балам деген жұрт болмаса, жұртым дейтін бала қайдан өссін» деген екен осы сияқты тағы басқа алымдарымыздың отан туралы нақыл сөздері айтылып, түсіндірілді.

Әнұран, елтаңба, туымыздың шығу тарихы, авторлары, онда бейнеленген суреттері, белгілері толық түсіндірілді. Сонымен қатар қазақтың ұлы тұлғалары: билер, батырлар, ақындар, жазушылар, ойшылдар туралы да айтылды. Сабақ соңында оқушылар викториналық сұрақтарға жауап берді. Оқушылар қызығушылық танытып, сабаққа белсенді қатысып отырды. Сабақ өте қызықты өтті.