"Зерек бала-2023"

   Ағымдағы жылдың 7 маусымында аудан әкімі Мақашев Нұрболат Абылайханұлының "Зерек бала-2023" дарынды, шығармашыл балаларымен дәстүрлі кездесуі өтті. Іс-шараға аудан мектептерінің 20 оқушысы қатысты. Олар үздік оқушылар, олимпиадалардың, ғылыми жобалардың жүлдегерлері, спорт және өнер жұлдыздары.

   Біздің мектептен 6 сынып оқушысы - Пудич Екатерина және 9 сынып оқушысы Ажбулатов Таирхан қатысты. Екатерина - оқу үздігі, "Мың бала" Республикалық олимпиадасының бірнеше дүркін жеңімпазы, қазақ тілі бойынша аудандық, облыстық пәндік олимпиадалардың жүлдегері. Таирхан - негізгі мектептің түлегі, "өте жақсы" және "жақсы" деген бағаға оқиды, бірнеше дүркін жүлдегер, баскетболдан, стритболдан аудандық, облыстық, өңірлік жарыстардың жеңімпазы. "Үздік ойыншы", "Үздік қорғаушы" атағы бар. Зерек баланың кездесуі "TEDx" форматындағы әңгіме түрінде өтті. Кездесу барысында оқушылар өздерін қызықтырған сұрақтарын қоюға, өз пікірлерімен алмасуға мүмкіндік алды.