Ұлы Жеңіске – 72 жыл!!!

     1945 жылдың 9-мамыры жылдан-жылға бізден алыстап бара жатса да, біздің аталарымыздың ерліктері әлі есімізде, себебі жыл сайын біз сол сұм уақыттың батырларын еске алып, оларды мақтан тұтамыз.

    Дәстүр ретінде біздің Қозыкеткен ауылында Жеңіс күнін тойлау үшін салтанатты шаралар өтті. Ескерткіш жанында ауылдың тұрғындары мен қонақтары жиналып, «Ұлы Жеңіске 72 жыл» Жеңіс күнін атап, Ұлы соғыс ардагерлерін құттықтады.

    Ескерткіш жанында 7-8 сынып оқушылары ардақты қарауыл бекітті. Митинг Қазақстан елінің әнұранымен басталды. Ауыл мәдениет үйінің басшысы құттықтау сөздерін ауыл әкімі Т.С. Жангазиновқа және мектеп директоры А.М. Исабаевқа берді. Осы жерде мектеп оқушылары мен шағын орталықтың бүлдіршіндері шағын концерт қойды. Шараның соңында веноктар мен гүлдер «Никто не забыт, ничто не забыто» ескерткішіне қойылды. Шараның салтанатты бөлімінен кейін Қозыкеткен мәдениет үйінің басшысы ауыл тұрғындарын орталық алаңына мерекелік концертке шақырды.

Қозыкеткен ЖОББМ –нің аға тәлімгері Жұмабаева А.А.